Ware liefde is: "1 Johannes 4:10: Dit is ware liefde – nie dat ons God liefgehad het nie, maar dat Hy ons liefgehad het en sy Seun gestuur het as 'n offer om ons sondes weg te neem."
Johannes 3:16: “Want so het God die wêreld liefgehad: Hy het sy enigste Seun gegee, sodat elkeen wat in Hom glo, nie verlore mag gaan nie, maar die ewige lewe kan hê."
As Christene moet ons in liefde wandel. Daar is geen haat, geen jaloesie en geen vrees nie. Die Eerste en Grootste en die Tweede Gebod is: Matteus 22:37-39: Jesus het geantwoord: “Jy moet die Here jou God liefhê met jou hele hart en met jou hele siel en met jou hele verstand. Dit is die eerste en grootste gebod. 'n Tweede is net so belangrik: Jy moet jou naaste liefhê soos jouself." 1 Johannes 4:7-8: "Liewe vriende, laat ons mekaar liefhê, want liefde kom van God. Elkeen wat liefhet, is 'n kind van God en ken God. Maar elkeen wat nie liefhet nie, ken God nie, want God is liefde."
God is liefde en ons moet ook in liefde leef. Ons moet leef soos Jesus geleef het... met liefde. Hy het Sy lewe vir jou en my afgelê sodat ons 'n oorvloedige lewe kan hê. So moet ons ook ons eie lewens vir ander aflê. Johannes 15:13: "Daar is geen groter liefde as om jou lewe af te lê vir jou vriende nie." 1 Johannes 4:16-21: "Ons weet hoeveel God ons liefhet, en ons het ons vertroue in sy liefde gestel. God is liefde, en almal wat in liefde leef, leef in God, en God leef in hulle. En soos ons in God leef, word ons liefde meer volmaak. Daarom sal ons nie bang wees op die oordeelsdag nie, maar ons kan Hom met vertroue tegemoet gaan omdat ons soos Jesus hier in hierdie wêreld leef. Sulke liefde het geen vrees nie, want volmaakte liefde verdryf alle vrees. As ons bang is, is dit uit vrees vir straf, en dit wys dat ons sy volmaakte liefde nie ten volle ervaar het nie. Ons het mekaar lief omdat Hy ons eerste liefgehad het. As iemand sê: "Ek het God lief," maar 'n medegelowige haat, is daardie persoon 'n leuenaar; want as ons nie mense liefhet wat ons kan sien nie, hoe kan ons God liefhê wat ons nie kan sien nie? En Hy het ons hierdie opdrag gegee: Diegene wat God liefhet, moet ook hul medegelowiges liefhê."
Daar is geen vrees, geen jaloesie, geen haat in liefde nie. Jesus het in Johannes 15:9 gesê: “Ek het julle liefgehad soos die Vader My liefgehad het. Bly in my liefde.” God is liefde. Ons moet ook liefhê. Wees lief vir God met jou hele hart, jou hele siel en jou hele verstand. En wees lief vir mekaar. Jou lewe sal vir altyd verander. Daar sal geen plek wees vir haat, vrees en jaloesie nie. Leef elke dag met liefde. As Wedergebore gelowiges leef ons in liefde, want God is liefde. Waar daar liefde is, is daar hoop, vrede, vreugde, selfbeheersing, geduld en geen vrees nie. 1 Johannes 3:1: “Kyk watter liefde die Vader aan ons gegee het: dat ons kinders van God genoem kan word; en ons is ook. Die wêreld ken ons nie, omdat dit Hom nie geken het nie.” Dit is baie belangrik om God te ken. Om met God te leef. Om die Woord van God dag en nag te bestudeer en daaroor na te dink. Fokus op die Woord van God en spreek die Woord van God. 1 Johannes 4:16: "So ken ons dan die liefde wat God vir ons het en glo dit. God is liefde, en wie in die liefde bly, bly in God, en God bly in hom." Met God aan jou kant kan jy alles oorwin. Romeine 8:38-39: "Want ek is verseker dat geen dood of lewe of engele of owerhede of magte of teenswoordige of toekomstige dinge of hoogte of diepte of enigiets anders in die skepping ons sal kan skei van die liefde van God wat in Christus Jesus, onse Here, is nie." 1 Korintiërs 13:4-8: "Die liefde is lankmoedig en vriendelik; die liefde is nie afgunstig nie, die liefde is nie grootpraterig nie, dit is nie verwaand of onwelvoeglik nie, dit dring nie aan op sy eie wil nie, dit is nie geïrriteerd of verbitterd nie, dit is nie bly oor die kwaad nie, maar is bly saam met die waarheid. Die liefde bedek alles, glo alles, hoop alles, verdra alles. Die liefde hou nooit op nie; profesieë sal verbygaan; tale sal ophou; kennis sal verbygaan." 1 Johannes 5:3: "Want dit is die liefde tot God, dat ons sy gebooie bewaar. En sy gebooie is nie swaar nie." Gehoorsaam God te alle tye! Johannes 15:9-11: "Ek het julle liefgehad soos die Vader My liefgehad het. Bly in my liefde. Wanneer julle my gebooie gehoorsaam, bly julle in my liefde, net soos Ek die gebooie van my Vader gehoorsaam en in sy liefde bly. Dit het Ek vir julle gesê, sodat julle met my blydskap vervul kan word, en julle blydskap sal oorvloedig wees!" Maak tyd, spandeer tyd saam met God deur Sy Woord en deur gebed. Moenie op jou omstandighede fokus nie, maar op Jesus alleen!!
