Efesiërs 5:1: "Wees dan in alles wat julle doen die navolgers van God, want julle is sy geliefde kinders." Om 'n navolger te wees, beteken om iemand na te boots. Ons as wedergebore gelowiges moet God in elke area van ons lewens naboots en volg. Onthou God in ons, Jesus in ons, Heilige Gees in ons. God is Woord en Gees. Johannes 4:24: "God is Gees, en die wat Hom aanbid, moet in gees en waarheid aanbid." Jesus is die Woord in vlees. Johannes 1:14: "En die Woord het vlees geword en onder ons gewoon, en ons het sy heerlikheid aanskou, 'n heerlikheid soos van die eniggeborene van die Vader, vol van genade en waarheid." En Jesus is ook die sigbare beeld van die onsigbare God. Johannes 10:30: "Ek en my Vader is een." Jesus het soos God gewandel, soos God gepraat en soos God opgetree. Johannes 5:19: "Toe antwoord Jesus en sê vir hulle: “Voorwaar, voorwaar Ek sê vir julle, die Seun kan niks uit Homself doen tensy Hy die Vader dit sien doen nie; want alles wat Hy doen, doen die Seun ook net so.” Jesus het God nageboots en gevolg, en so moet ons ook. Ons moet soos God praat, soos God wandel, soos God optree in elke area van ons lewens. Dit beteken dus om met vreugde, vrede, hoop, geloof, vriendelikheid, liefde, geduld, selfbeheersing en ook met die manier waarop ons praat, te wandel.
Eksodus 3:14: “God antwoord Moses: Ek is wie Ek is. Sê vir die volk van Israel: Ek is het My na julle gestuur.” Jesus se woorde in Johannes 10:30: “Ek en die Vader is een.” Johannes 5:19: “Jesus het hulle hierdie antwoord gegee: “Voorwaar, voorwaar Ek sê vir julle, die Seun kan niks uit Homself doen nie; Hy kan slegs doen wat Hy sy Vader sien doen, want wat die Vader ook al doen, doen die Seun ook." So het Jesus God nageboots. Alles wat God doen, het Jesus gedoen. God het gesê: "Ek Is ..." Jesus het gesê: "EK IS die Lig, EK IS die WEG, die WAARHEID, die LEWE, EK IS die Opstanding en die Lewe, EK IS die Goeie Herder, EK IS die Wynstok, EK IS die Brood van die Lewe. God se Woord het gesê: Efesiërs 5:1: "Volg God dan na in alles wat julle doen, want julle is sy geliefde kinders." Hoe klink jy, die wêreld se weg of God se weg? EK IS NIE, of EK IS!! In alles wat ons doen, moet ons soos God klink, soos God optree, soos God praat, soos God wees. EK IS GESEËND: Deuteronomium 28:2: "En al hierdie seëninge sal oor jou kom en jou inhaal, omdat jy die stem van die Here jou God gehoorsaam." EK IS GENEES: Jesaja 53:5: "En deur sy wonde is ons genesing." EK IS BLYDSKAP: Nehemia 8:10: "Want die blydskap van die Here is julle beskutting." EK IS VOORSPRONG: Efesiërs 3:20 "Aan Hom nou wat magtig is om oneindig meer te doen as wat ek bid of dink, volgens die krag wat in my werk." Filippense 4:19: "My God vervul elke behoefte van my volgens sy rykdom in heerlikheid deur Christus Jesus." 2 Korintiërs 9:8: "En God sal in al julle behoeftes ryklik voorsien, sodat julle altyd alles sal hê wat julle nodig het en baie oor het om met ander te deel." EK KAN ALLES DOEN: "Ek is tot alles in staat deur Christus wat my krag gee." En onthou dat WOORDE het krag! Spreuke 18:21: "Die tong het mag oor lewe en dood, en die wat dit liefhet, sal die vrug daarvan eet." Matteus 12:36: "Maar Ek sê vir julle dat van elke onverskillige woord wat die mense praat, daarvan sal hulle rekenskap gee op die oordeelsdag." Matteus 12:37: "Die woorde wat julle sê, sal julle óf vryspreek óf veroordeel." Wees navolgers van God en nie van die wêreld nie.
Om navolgers van God te wees, moet ons ook ons denke vernuwe. Daarom is dit so belangrik om Wedergebore te word. Jy kan nie probeer om God na te boots en steeds wêreldse dinge doen nie. Dit sal nie werk nie. Jy moet Wedergebore word! Jy moet studeer, mediteer, dag en nag op die Woord van God fokus om jou denke te vernuwe. Jy moet soos God dink. 1 Korintiërs 2:16: "Maar ons verstaan hierdie dinge, want ons het die denke van Christus." Romeine 12:2: "Word nie aan hierdie wêreld gelykvormig nie, maar word verander deur die vernuwing van julle denke, sodat julle kan onderskei wat die wil van God is, wat goed en welgevallig en volmaak is." Filippense 4:8: "Laastens, broers, alles wat waar is, alles wat eerbaar is, alles wat regverdig is, alles wat rein is, alles wat lieflik is, alles wat prysenswaardig is, wat deug en lofwaardig is, bedink dit." Deur die Woord van God te bestudeer, oor die Woord van God te mediteer en die Woord van God te spreek, sal julle navolgers van God word en ook die Woord van God sal 'n godvrugtige leefstyl word. Kolossense 3:1-4: "Rig julle oë op die hemelse dinge. Aangesien julle saam met Christus tot 'n nuwe lewe opgewek is, moet julle julle oë op die werklikheid van die hemel rig, waar Christus aan die regterhand van God sit. Bedink die dinge van die hemel, nie die dinge van die aarde nie. Want julle het aan hierdie lewe gesterf, en julle lewe is saam met Christus verborge in God. En wanneer Christus, wat julle lewe is, aan die hele wêreld geopenbaar word, sal julle deel hê aan al sy heerlikheid." Vernuwe julle denke daagliks! Wandel, praat, tree op en spreek soos Jesus op aarde gedoen het. Hy is ons perfekte voorbeeld van hoe om navolgers van God te word!
